Cevi Urdorf

Mir laufed mit grosse Schritt richtig Jahresendi zue und sind daher au scho bide Planig vom Jahresschluss acho!

Ide letschte Jahre isch de Jahresschluss leider immer es bitzli z churz cho und het nüme so vill Bsuecher gha, wie das en Cevi Abschluss verdient! Das het au demit ztue, dass mir das Datum und d Infos z spaat ad Lüt bracht händ und für das möchtemer eus entschuldige!

Das Jahr söll das alles andersch si! Mir möchtet wieder all zäme en Jahresschluss zeme im Wald🌲 fiire mit gmüetlicher Wiehnachtsstimmig am Füür🔥 und ere tolle Story!

Mir laded eu herzlich ih zu dem wunderschöne Alass und würed eus würkli fescht freue, wemmer die ganz Cevi Familie, vo Jung bis Jung gebliben, vo Aktivi, bis Ehemaligi würed atreffe und mir gmeinsam en wunderschöne Abig döfed verbringe!

Wänn: Am Samstig, 17. Dezember, 17:00 Uhr
Treffpunkt: Bide Rümli
Mittnäh müender:
Öpis zum Brötle 🥩 (wer will), mir sorged für warmi Suppe 🍲, Schlangebrot🐍🍞, warmi🔥 und chalti ❄️ Getränk🧉, sowie Guetzli🍪 und Chueche🎂 (du döfsch dich natürlich melde und au öpis mitbringe!).
Lueg dass du dich warm aziehsch! Au mit Füür chans im Wald ziemlich chüel werde! 🥶

Mir würed eus riesig freue, wenn du, dini Fründe und Familie zit händ! 

Ihr dörfed au gern anderi Lüt afröge wo mir de Kontakt nüme händ! Bis hoffentlich gli und ganz liebi Grüess!

Caramba, Luchs & Bär 🤗